RIBEIRA> O IES Número 1 deseñou un ambicioso proxecto para o presente curso no marco do programa escolar Axenda 21.
{flowplayer}barbanza/axenda21.flv{/flowplayer}
O premio recibido polo instituto ribeirense pola implantación de Axenda 21 durante o pasado curso supón o mellor incentivo para seguir a traballar ó longo deste ano. A prioridade é implicar ó alumnado nas propostas dos distintos equipos de dinamización que teñen como fío común a sustentabilidade con dous obxectivos básicos.
Ademais ó longo do curso 2010-2011 desenvolveranse outras moitas accións como a creación dun comité ambiental, obradoiros de fotografía ou actividades de sostenibilidade social. Tamén terán continuidade actividades realizadas con éxito o pasado ano como a feira da cultura usada, os reciclaxogos, a xornada ‘Baixemos os fumes’ e o premio ‘Aula Sustentable’.
O xefe de Servizo de Sostenibilidade da Consellería de Medio Ambiente quixo felicitar á comunidade educativa do centro polo gran traballo feito ata o momento co obxectivo de formar a cidadáns responsables comprometidos co futuro do planeta.
Redacción Barbanza