O GROVE> Onte as fortes chuvias provocaron cortes ó tráfico de estradas e inundacións en varias zonas da vila meca.
{flowplayer}images/salnes/DISPOSITIVO_EMERXENCIA_GROVE.flv{/flowplayer}
Hora e media estivo cortado o acceso ó Grove a través do istmo da Lanzada. Este foi un dos efectos que as fortes chuvias que caeron onte en toda a provincia de Pontevedra provocaron na vila meca.
Onte os servizos de emerxencia traballaron todo o día para paliar os efectos do temporal. Hoxe O Grove activou a alerta laranxa xa que, a pesares de que as predicións meteorolóxicas apuntaban unha pequena tregua no temporal esta xornada, as chuvias volverán coller forza mañá. A partires das 7 da madrugada agárdanse precipitacións que poderían dobrar a intensidade das rexistradas o xoves.
Nesta liña de actuacións, o concello está a realizar pequenas obras nas zonas máis problemáticas, como a entrada de Ardia.
Pola súa banda, parece que os veciños do Grove viviron o temporal de chuvias con tranquilidade.
Para mañá, Protección Civil recomenda ós veciños que hoxe tomen precaucións para evitar inundacións. Ademais, o corpo contará cun retén permanente de voluntarios, que traballarán en coordinación con outros servizos de seguridade do concello.
Redacción Salnés
