VILAGARCÍA> Así o confesou a secretaria local do partido, Tania García. Confesou que a vindeira semana presentarán a candidatura.
{flowplayer}images/salnes/TANIA_PLENO.flv{/flowplayer}
O pasado luns, como cada semana, o partido socialista de Vilagarcía mantivo a súa xuntanza ordinaria. Un encontro que se centrou, tal e coma confesou onte a secretaria local do partido e edil de Urbanismo, Tania García ó programa desta casa Pleno Aberto, na busca do mellor candidato cara ós comicios do 22 de maio. Para iso, din, están nun proceso de reflexión e debate de xeito que obteñan un candidato de consenso.
Pero desde a dimisión de Carlos Guerrero á verdade que xa son varios os nomes que se barallan coma posible candidato. Neste senso, Tania García, sinalou que tanto Jesús Paz o coma Modesto Pose son persoas preparadas para o posto mentres que con respecto a Javier Gago dixo que nin el mesmo pensou en volver á política local.
Ademais, destes nomes o seu propio tamén soa entre os vilagarciáns. Aínda que non están nada decidido, a actual edil de urbanismo confesou que está á disposición do partido.
Por último, García quixo transmitir unha mensaxe de tranquilidade ós veciños de Vilagarcía.
Redacción Salnés