VILAGARCÍA> O PP aposta por converter Fexdega nun recinto multiusos no que ademais de feiras teñan cabida eventos deportivos.
{flowplayer}images/salnes/pp_vilagarcia_deportes.flv{/flowplayer}
VILAGARCÍA> O PP de Vilagarcía aposta por converter Fexdega nun recinto multiusos no que ademais de feiras teñan cabida eventos deportivos e de lecer. A proposta forma parte do seu Plan Director de Deportes, do que se encargará Luís Garrigós, a nova fichaxe da candidatura de Tomás Fole, de cara ás eleccións municipais de maio.
A idea dos populares é dedicar este ‘multiusos’ de Fexdega a fomentar o deporte base, seguindo experiencias como as Olimpiadas Escolares no recinto feiral de Silleda ou os Campionatos de España de Voleibol infantil e cadete celebrados no IFEVI de Vigo. Eventos nos que participou como coordinador e organizador o propio Luís Garrigós.
O PP asegura que o uso deportivo será compatible co calendario feiral. E, de acadar o goberno municipal, estudarán a mellor xestión para manter o recinto de Fexdega operativo todo o ano. O PP dará a coñecer os detalles deste Plan Director do Deporte de Vilagarcía en vindeiras datas, logo de consensuar as necesidades cos diferentes axentes deportivos e sociais da cidade.
Redacción Salnés
