O GROVE> Os grovenses Os da Bayuca, caracterizados da famosa boneca Barbie, fixéronse co primeiro premio do Festival de Comparsas do Grove.
{flowplayer}images/salnes/comparsas_grove_2011.flv{/flowplayer}
O GROVE> Os grovenses Os da Bayuca, caracterizados da famosa boneca Barbie, fixéronse co primeiro premio do Festival de Comparsas do Grove, celebrado este sábado pola noite no pavillón Monte da Vila. Para eles foi a contía máxima, de 1.100 euros, dos premios repartidos nun dos certames máis multitudinarios da comarca.
O ‘podio’ foi completamente meco. O segundo premio, de 1.000 euros foi para os Güeros, que se disfrazaron das personaxes do comic Asterix e Ovelix, no seu décimo aniversario. O xurado outorgou o terceiro posto ós Garoulos que se levaron así 900 euros. O resto de participantes recibiu 400 euros.
Nesta edición batiuse o récord de participación, con nove comparsas en concurso e a actuación estelar de Os Firrás, un dos grupos con máis historia do Grove. Un abarrotado pavillón puido escoitar as coplas ácidas de Maraghota e media (Vilaxoán), Os Golfitos (Vilanova), Os Trancheiros (Vilagarcía), e das grovenses: As do 807, Os Garoulos, Os Güeros, Os Ultrasur, Os da Bayuca e As + Plus. Nas súas letras non faltaron alusións á política local. As comparsas non se esqueceron das vindeiras eleccións municipais. Nin tampouco da lei antitabaco.
O Entroido continúa o martes no Grove. Ás 17.00 horas sairá o desfile da praza do Corgo. Este ano repartiranse máis de 3.000 euros en premios.
Redacción Salnés
