PORTONOVO> A Confraría acolle dende onte a segunda edición das xornadas técnicas de pesca e gastronomía. A cociña xaponesa foi o prato forte.
{flowplayer}images/salnes/DemostracionCulinariaGac.flv{/flowplayer}
Estas xornadas comezaron onte e desenvolveranse ata mañá mércores na sede da Confraría de Portonovo e son presentadas polo periodista Sergio Pazos.
Están organizadas polo Grupo de Acción Costeira da Ría de Pontevedra, que pretende con esta iniciativa, dinamizar e mellorar a comercialización do Peixes coma a xarda, que foi nesta demostración de cociña xaponesa o produto estrela.
O sushiman do restaurante Sushidaki de Pontevedra realizou distintos tipos de sushi e sashimi para mostrar a tódolos asistentes unha maneira diferente de degustar os peixes da ría.
Estas xornadas van dirixidas ó sector pesqueiro e ó sector da hostalería e ademais de mostras e degustacións inclúen tamén distintas conferencias, nas que se abordan temas coma a identificación xeográfica protexida ou a hixiene na cociña.
Redacción Salnés
