SANTIAGO> O documento, segundo o Conselleiro, identifica con maior claridade as actividades que son compatibles cos espazos protexidos.
{flowplayer}images/salnes/REDE_NATURA.flv{/flowplayer}
Esta mañá o Conselleiro do Medio Rural, Samuel Juárez, acompañado polo director xeral de Conservación da Natureza, Ricardo García Borregón presentaron o novo Plan Director de Rede Natura.
Un documento que, segundo Juárez, identifica con maior claridade as actividades que son compatibles cos espazos protexidos. Entre as actividades que prevé o Plan Director da Rede Natura 2000 en Galicia, tal e coma explicou esta mañá o Conselleiro do Medio Rural, está a autorización de plantas de acuicultura na comunidade, aínda que, dependerá do espazo para o que se proxecte.
Juárez matizou que calquera actividade que se desexe desenvolver nestas áreas deberá contar coa avaliación de impacto ambiental xa que o obxectivo final é garantila súa conservación a longo prazo.
O Plan Director da Rede Natura xa se pode consultar desde hoxe na páxina web da consellería do Medio Rural.
Redacción Salnés
