GROVE> O vertido, do que polo de momento se descoñece a orixe, foi detectado ó redor das 12 deste mediodía en augas de Cambados.
{flowplayer}images/salnes/CHAPAPOTE_GROVE.flv{/flowplayer}
O vertido, con aspecto de chapapote e do que polo de momento se descoñece a orixe, foi detectado ó redor das 12 deste mediodía en augas de Cambados. Finalmente, foi ó redor das 7 desta tarde cando os vertidos tocaron terra no concello do Grove.
A última hora desta tarde, preto de 50 mariscadoras eran as únicas que traballaban nas tarefas de limpeza dos areais de Curbeiro, Rons e Rodelo, as tres praias afectadas polo vertido.
Durante a limpeza, as mariscadoras recolleron máis de 50 sacos co vertido. A pesares de que non se teme pola vida marisco, mañá a zona permanecerá pechada ó marisqueo.
Como medida cautelar, as praias estiveron pechadas ó baño dende que se detectou o vertido. Ademais, a Consellería do Mar tamén decretou o peche do polígono de bateas Cambados D.
Redacción Salnés