Vilagarcía ampliará as prazas da súa Ludoteca de Nadal

VILAGARCÍA> A ludoteca de Nadal de Vilagarcía despediuse por este ano. A nova edición do campamento urbano acadou un número de solicitudes récord, con familias que quedaron en listaxe de agarda. Dende o concello toman nota, e aseguran que cara o vindeiro ano ampliarán as prazas desta iniciativa, dirixida a facilitar a conciliación familiar en épocas de vacacións dos pequenos.

Tras moito xogo, novos amigos e tendo incluso un espazo para aprender sobre o patrimonio vilagarcián, hoxe a ludoteca de Nadal despediuse por este ano. Unha edición, ademais, que acadou cifras de récord.

Foron 31 os rapaces que puideron acceder a esta actividade. O concello toma nota da crecente demanda, e xa anunciou que aumentarán as prazas en videiras edicións.

E mentres, esta mañá os pequenos apuraban as horas que lles quedaban nesta ludoteca de Nadal, durante a que gozaron de variados xogos e actividades para pasar mellor as súas mañás mentres os pais traballan.

A despedida foi tamén por todo o alto. Ata o centro de A Escardia achegouse un paxe real dos Reis Magos, preparado para recoller todas as peticións que aínda teñan os máis rezagados.

DEIXAR UNHA RESPOSTA

Por favor, engade un comentario!
Por favor, engade o teu nome aquí