MEIS> O festival adquire este ano un carácter comarcal e doará parte do recadado á Fundación Amigos de Galicia.
{flowplayer}images/salnes/DOLOROCK_2011_PTAC.flv{/flowplayer}
Os organizadores do Festival Dolorock quixeron dar este ano un impulso ó evento e ampliar o seu radio de acción. Queren conferirlle un carácter comarcal. Por iso nesta edición contarán coa colaboración dos concellos de Ribadumia e Cambados. Estes, xunto ó de Meis e a Asociación Sociocultural A Baralla prepararon un cartel ambicioso para atraer ó maior número de público. Esta é a idea. Sumar esforzos para que o Dolorock se siga celebrando en vindeiras ocasións pero sen perder o espírito co que naceu: promover os grupos emerxentes de música rock.
O festival terá lugar o vindeiro 27 de agosto. Celebrarase coma sempre no campo da festa de Mosteiro, en Meis. A entrada anticipada custará 5 euros e en taquilla nove. O vinte por cento da recadación doarase á Fundación Amigos de Galicia, un recursos cos que pretenden mercar alimentos cos que axudar ás familias necesitadas da comarca.
Redacción Salnés
