RIANXO> Os comerciantes debátense entre os partidarios ó traslado, e pola outra, aqueles que defenden a actual ubicación.
{flowplayer}barbanza/trasladomercadorianxo.flv{/flowplayer}
A división de opinións en Rianxo pola futura ubicación do tradicional mercadiño non parece ter unha solución sinxela. Mentres que os vendedores da praza de abastos e dos comercios próximos a esta queren que o mercadiño se sitúe preto do recinto, na praza Virxe da Guadalupe, o resto de comerciantes da vila e os propios vendedores dos postos ambulantes, non aceptan de bo grao o cambio.
Mesa local comercio
No medio de toda esta polémica o concello, que aínda non tomou unha decisión ó respecto, á espera da constitución da mesa local de comercio, órgano que se encargará de mediar no conflito e buscar unha solución satisfactoria para tódalas partes.
Maior rendibilidade
Aínda así, apostura do rexedor é clara, ó afirmar, que o concello non pode permitirse un gasto anual duns 18 mil euros en taxas a Portos de Galicia, xa que actualmente o mercadiño ambulante está instalado en terreos pertencentes ó ente autonómico.
Redacción Barbanza
