NOIA> A campaña marisqueira de Noia arrancará o 16 de outubro. Farao cun cupo reducido ante as malas expectativas que arroxan as mostraxes con apenas marisco de talla comercial. Ante esta situación, a confraría xa está a tramitar axudas para os mariscadores.
Os mariscadores noieses volverán ó traballo o 16 de outubro. Farano por pouco tempo ante a escaseza de ameixa e berberecho de talla comercial.
Os cupos serán reducidos neste arranque con 5 quilos de berberecho e 2 de ameixa para a flote e 3 de berberecho e dous de ameixa para o colectivo de a pé.
A intención da confraría e non estender demasiado a campaña para evitar danar a cría que si está presente e en abundancia na maior parte dos bancos.
A próxima fin de semana, o pósito convocará unha asemblea xeral para informar ós socios do estado das tramitación das axudas coas que os mariscadores pretenden paliar os efectos dunha das peores campañas dos últimos anos.
