POBRA> Segundo Teresa García Guillán esta situación está a mermar a calidade asistencial que se lle presta ós veciños.
{flowplayer}barbanza/psoepobracentrosaude.flv{/flowplayer}
A través dunha moción presentada para o seu debate na vindeira sesión plenaria, os socialistas da Pobra do Caramiñal denuncian o estado total de abandono no que se atopan as actuais dependencias do centro de saúde da localidade. Esta non é a primeira vez que o PSOE pobrés demanda do executivo un mantemento axeitado destas instalacións.
A socialista sinalou ademais que en vez de solucionar todos estes problemas denunciados, o executivo local só foi capaz de vender, cun claro afán electoralista, o proxecto do novo centro de saúde, algo que segundo Teresa García, aínda está no aire.
Dende as filas socialistas tamén se referiron ós recortes que se veñen realizando dende a propia Administración Autonómica e que están a afectar significativamente a calidade asistencial neste centro de saúde.
Redacción Barbanza