VILAGARCIA> Os veciños de Faxilde, na parroquia Vilagarcía de Vilaxoán, están fartos da situación de deixadez e da desidia ás que os ten sometidos…
{flowplayer}images/salnes/queixas_lixo_colexio_faxilde.flv{/flowplayer}
… o goberno municipal. Desde fai tempo, este entorno está cheo de malas herbas, silvas, e tubarias atascadas; o que provoca que constantemente sufran os efectos de pragas de ratas, pulgas ou culebras. Cabe salientar que estas fincas e beirarrúas descoidadas están preto do Centro Social, do Colexio e do Polideportivo, co que frecuentemente son nenos os que sofren as consecuencias deste abandono. Mesmo nas escaleiras e descansiños hai limo e musgo que fan que este acceso sexa perigosamente esvaradío.
Esta situación foi comunicada ó Goberno Local en varias ocasións, sen que ate o de agora tivesen contestación ou resposta algunha; salvo antes das eleccións que se lles ven a limpar un pouco o entorno. Nada mais coñecer a opinión dos veciños preguntamos ó rexedor vilagarcián, por esta falla de atención.
Tomás Fole amosouse estrañado pola falta de atención a este problema de salubridade para os veciños, que eles adoitan resolver de inmediato. Coida que o erro puido estar en que a Comisión Veciñal non especificara o contido da xuntanza solicitada, razón pola cal non se lle daría prioridade ante o aluvións de peticións veciñais dos últimos meses.Con todo, comprometeuse a interesarse mañá mesmo por esta situación.
Redacción Salnés
