VILAGARCÍA> Un incendio nunha casa en ruínas, en Trabanca Badiña, acabou con dous bombeiros e dous policías feridos leves, ó ser atacados por un indixente que ‘okupaba’ a vivenda.
{flowplayer}images/salnes/incidente_indixente_bombeiros.flv{/flowplayer}
Todo aconteceu ás dúas da madrugada de onte. O incendio non lles deu problemas, eran unhas brasas na planta baixa, pero ó inspeccionar o resto da vivenda comezou o ataque do okupa. Un dos bombeiros recibiu no casco o impacto dunha pedra e, de seguido outra alcanzoulle nas costas.
No ataque de onte, os bombeiros reclamaron a presencia da Policía Nacional, que tiveron que perseguir ó okupa para detelo. O indixente opuxo unha forte resistencia, e acabou ferindo tamén ós dous axentes.
A presencia deste home non pasara desapercibida entre os veciños da zona, pese a que a vivenda que ocupaba está afastada do resto.
Finalmente o okupa foi detido e pasou xa a disposición do Xulgado número 1 de Vilagarcía, que decretou o seu ingreso nun psiquiátrico de Pontevedra.
Redacción Salnés