MEIS> As celebracións da Semana Santa contan desde o 2010 coa catalogación de Festa de Interese Turístico de Galicia.
{flowplayer}images/salnes/PTAC_SEMANA_SANTA_PARADELA_2012.flv{/flowplayer}
Hai máis de setenta anos que os veciños da parroquia de Paradela, en Meis, recuperaron a tradición de representar as pasaxes da Paixón de Cristo relatadas nas Sagradas Escrituras. Co tempo, estas celebracións foron acadando máis e máis sona, tanto na comarca do Salnés, como en toda Galicia. Este ano, un cento de persoas volverán a enfundarse nas vestiduras de tempos ancestrais para dar vida Á última Cea, o Prendemento de Xesús, o xuízo ante Pilatos e Herodes ou o Vía Crucis e posterior desencravo.
Estes días apuran os últimos ensaios dunhas escenas con gran realismo e que ano tras ano atraen as miradas de fieis e turistas. De feito, a Semana Santa de Paradela conta, desde hai case dous anos, coa catalogación de Festa de Interese Turístico de Galicia.
Ademais dos actos relixiosos, a organización da Semana Santa de Paradela convocou un ano mais un certame de fotografía sobre a celebración. As instantáneas deben recoller pasaxes das escenificacións que se realicen durante os días santos. Cada candidato poderá presentar un máximo de cinco fotos. Optarán a facerse con algúns dos tres premios de 500, 200 e 100 euros que se outorgarán nesta edición.
Redacción Salnés
