RIBEIRA> O matrimonio, que reside en Palmeira, é un dos máis lonxevos de España.
{flowplayer}barbanza/matrimoniopalmeira.flv{/flowplayer}
Este é o momento no que o alcalde de Ribeira, Manuel Ruíz, lle entregaba ó matrimonio formado por Sebastián Feliz Paradelo, de 103 anos, e Mª Amparo Tato Gómez, de 99, un ramo de flores e unha peza de cerámica co escudo do concello. A ocasión non era para menos, ó cumprirse hoxe oitenta anos de casados.
O matrimonio, que reside no lugar de Figueirido na parroquia ribeirense de Palmeira, vive actualmente coa súa filla Clara e o seu xenro, que son as dúas persoas encargadas de coidalos.
Matrimonio máis lonxevo de España
Segundo parece, a de Sebastián e Mª Amparo, é a parella máis lonxeva de España e a segunda de Europa.
Parabéns
Vaian dende aquí os nosos parabéns para este matrimonio, esperando que o ano que vén poidamos celebrar novamente con eles o seu aniversario.
Redacción Barbanza
