SALNÉS> A misión inversa, realizada en plena vendima, consistiu na visita ás zonas de O Rosal, O Condado, para rematar no Salnés.
{flowplayer}images/salnes/MISION_VENDIMA_RIAS_BAIXAS.flv{/flowplayer}
Invitados polo Consello Regulador da DO Rías Baixas, catro profesionais procedentes de Holanda e Bélxica visitaron esta semana as principais subzonas desta denominación, varias das súas adegas e os viñedos que nestes momentos están sendo sometidos á recolección da uva.
Sendo o Benelux un dos principais importadores dos nosos caldos, a finalidade desta misión inversa non era outra que a de achegarlles a esencia e espírito da DO para que despois poidan transmitir no seu país de orixe os coñecementos adquiridos.
E trala visita, segundo nos asegurou este consultor de viños, cumpríronse á perfección as súas expectativas. Entenderon que a variedade de viño branco albariña é unha das mellores do mundo, cunha gran capacidade de envellecemento.
Esta misión, que consistiu na visita ás zonas do Rosal, o Condado para rematar no Salnés, é a primeira fase do proxecto. Agora entre outubro e novembro, Germán vai realizar dez catas con viños Rías Baixas, dirixidas ó público profesional, nas principais cidades de Flandes.
O obxectivo: dar a coñecer se cabe aínda máis os viños Rías Baixas de maneira que pouco a pouco permita incrementar o seu consumo nos Países Baixos.
Redacción Salnés
