PONTEVEDRA> A Deputación de Pontevedra e representantes de 47 dos 53 Concellos da Provincia con menos de 20.000 habitantes,
{flowplayer}images/salnes/convenio_servicios_sociais.flv{/flowplayer}
… que xa achegaron a documentación precisa, asinan o convenio de colaboración en materia de Servicios sociais comunitarios municipais, que en virtude do Decreto autonómico 99/2012 fará que o ente provincial se encargue dos servicios de Axuda no Fogar na modalidade de prestación básica; a Contratación do persoal dos equipos municipais de servizos sociais comunitarios; e da retribución do persoal dos centros municipais de Servicios sociais comunitarios específicos.
En total a Deputación pontevedresa achegará uns 2,4 millóns de euros cos que financiará o pago das nóminas de 350 empregados; 250 deles do Servizo de Axuda no Fogar e outro cento de técnicos e que beneficiará a preto de 400.000 cidadáns.
O ente provincial comezará a efectuar os primeiros pagos hoxe mesmo e, a medida que os municipios vaian acreditando os gastos irán ingresando o resto. O Presidente da Deputación aproveitou esta reunión cos alcaldes para acordar un modo de ir homoxeneizando de xeito progresivo as taxas por este servizo por horas en toda a provincia; uns custes que sairán en vindeiros exercicios a subhasta de xeito conxunto, co que aforrarán custos e co que lograrán que tódolos cidadáns paguen o mesmo polo mesmo servicio.
A maiores, nesta xuntanza, Louzán abordou o tema do servicio de teleasistencia do que se descolga o IMSERSO. A partir de agora, este servicio do que se beneficiaban 1.200 persoas deberá buscar novas fórmulas de financiamento que cubran a parte que achegaba ate o de agora polo Instituto de Maiores e Servicios Sociais.
Redacción Salnés
