POBRA> As empresas interesadas terán de prazo ata o próximo nove de xaneiro para presentar as súas ofertas.
{flowplayer}barbanza/licitaciontomada.flv{/flowplayer}
O alcalde da Pobra do Caramiñal, Isaac Maceiras, amosou a súa satisfacción pola nova da licitación das obras de ampliación do polígono industrial da Tomada. Un trámite polo que levaban, dende hai moito tempo, agardando, e que agora finalmente ve a luz, o que permitirá que os traballos de desmonte dos terreos previos á urbanización poidan iniciarse a principios de ano. A actuación conta cun presuposto de preto dos tres millóns de euros.
Nove de xaneiro
Dende o concello fan un chamamento a tódalas empresas interesadas en presentar as súas ofertas para poder levar adiante a obra. A data límite será o día nove de xaneiro.
Redacción Barbanza
