Pontevedra acolle en Marzo o Salón do Libro Infantil e Xuvenil

[

 PONTEVEDRA> O mundo dos libros para os máis novos da casa volve a ter o seu espazo en Pontevedra.

{flowplayer}images/salnes/ptac_salon_libro_210213.flv{/flowplayer}

Conscientes da importancia de estimular a lectura entre a poboación estudiantil o Concello de Pontevedra volve a organizar unha nova edición do Salón do Libro Infantil e Xuvenil. Esta décimo cuarta andaina leva por título A Toda Máquina, e precisamente o mundo da locomoción terá moito que ver na ambientación do Pazo da Cultura de Pontevedra durante o desenvolvemento desta feira, do 2 ó 23 de marzo.

Malia contar cun orzamento algo máis reducido ca na edición anterior, o Concello decidiu non sacrificar a gran cantidade de contidos e intensidade de eventos reducindo a prolongación do mesmo, -este ano contará cunha semana menos-, e a sona dalgúns dos actantes.

Neste salón, adicado este ano á traxectoria da escritora Marilar Aleixandre, encontrarémonos actividades para tódalas idades: desde novidosas postas en escea para presentación de libros, ata obradoiros, espectáculos musicais, espazo de videoxogos e mesmo exposicións; como unha da Escola de Canteiros de Pontevedra ou unha da Asociación Galega de Ilustradores.

Amais, como non, haberá teatro. Como novidade este ano o salón abrirá as súas portas os domingos pola tarde. Este lobo será o encargado de pregoar as excelencias deste salón. Mañá dirixirase a Santiago en tren para convidar ós escolares da Capital de Galicia a asistir ó mesmo; ó igual que fará tamén na Cidade do Lérez.

Redacción Salnés