RIBEIRA> Coincidindo coa convocatoria de folga na educación, a asemblea en defensa do ensino público do Barbanza desenvolverá un acto reivindicativo.
{flowplayer}barbanza/presentacionmanifestacioneducativa.flv{/flowplayer}
Pais, alumnos, mestres e demais sectores da comunidade educativa sumaranse ó acto de protesta convocado pola asemblea en defensa do ensino público.
Os profesores fan un chamamento á participación para mobilizarse en contra dos recortes e da lei LOMCE que cualifican de clasista e reaccionaria. Nos mesmo termos pronúncianse os alumnos que critican as dificultades que introduciría a nova lei co incremento das taxas e o endurecemento das probas para acceder a ensinanzas superiores. Tamén as ANPAS secundarán a xornada de folga e o acto reivindicativo posto que a nova norma reduce a participación dos pais na programación dos centros, mermando a capacidade de decisión sobre a educación dos seus fillos.
O acto de protesta terá unha compoñente lúdica con animación musical. Dará comezo ás sete e media da tarde na praza do concello de Ribeira.
Redacción Barbanza
