Primeiro día de folga sanitaria con datos de seguimento desiguais

SALNÉS> A sanidade galega vive hoxe a primeira das dúas xornadas de folga contra os recortes promovidos dende a Xunta de Galicia. Dende o Sergas sinalaron que un de cada catro sanitarios secundaron o paro mentres que os sindicatos falan de cifras moito maiores. Primeiro día de folga da sanidade galega. Os recortes, o copago, a privatización ou as áreas de xestión clínica son as principais razóns que levaron a este parón. Os hospitais móvense estes días grazas os servizos mínimos, o que representa no Salnés preto dun 40% do persoal. Dos restantes, a gran maioría secundou a folga, segundo os sindicatos. Os datos achegados dende a Xunta de Galicia foron ben distintos no que a seguimento da folga se refire. Sanidade cifrou nun 21,85% o apoio ó paro. Por áreas, na de Pontevedra superou o 25% mentres que en Santiago, á que pertence ó Hospital do Barbanza, non chegou apenas ó 12%. CIG, CCOO, CESM e OMEGA, as centrais sindicais qque convocaron a folga, animaron á cidadanía a participar activamente mañá das mobilizacións que terán lugar en 13 localidades galegas. O parto diante do Hospital do Salnés terá lugar mañá ás dúas da tarde. {flowplayer img=https://www.canalriasbaixas.com/images/ano2013/12decembro/09/folga600_091213.jpg}https://www.canalriasbaixas.com/images/ano2013/12decembro/09/folga_091213.mp4{/flowplayer}