POBRA> Dende a formación frentista consideran que a acta perténcenlle ó partido, xa que a conseguiu figurando nas súas listas. O abandono de Xosé Lois Piñeiro do BNG e o seu paso a Compromiso por Galicia no caeu ben no seo da formación frentista. A pesar de respectar a súa marcha, dende o BNG pídenlle a Piñeiro a entrega da súa acta de edil, xa que segundo eles, lle pertence lexitimamente ó partido, xa que foi baixo estas siglas coas que concorreu ás pasadas eleccións municipais. O responsable local do BNG considera que este non é o mellor momento para anunciar a súa marcha, en pleno proceso dunhas eleccións europeas. Ademais, segundo el o paso de Xosé Lois Piñeiro a Compromiso Por Galicia, produce tamén un feito anómalo no seo da corporación municipal, xa que aparece un novo partido que non existía hai tres anos no momentos dos comicios municipais.
Inicio A Pobra