Presentan a nova cartografía dixital elaborada pola Deputación da Coruña

A CORUÑA> Os máis de medio centenar de alcaldes e técnicos municipais que asistiron esta mañá á presentación da nova cartografía temática dixital elaborada pola Deputación da Coruña gabaron a utilidade desta ferramenta para a xestión e planificación dos seus territorios. Durante o acto, celebrado no Pazo de Mariñán, o presidente provincial, Diego Calvo, solicitou a colaboración de todos os presentes de cara a manter “viva e útil” esta aplicación, xa que, segundo dixo, “a grande virtude do que hoxe presentamos é a súa vixencia e a súa actualización permanente”.