VILANOVA> O marisco fresco da ría é un dos protagonistas da fin de semana en Vilanova. E dicimos un dos protagonistas porque, amais da Festa do Mexillón e do Berberecho que se inaugurou esta mediodía, hai tamén Feira de Oportunidades e as Festas do Carme de aquí ó domingo.
Esta mediodía inaugurouse en Vilanova a vixésima edición da Festa do Mexillón e do Berberecho, que estrea distintivo de Festa de Interese Turístico Autonómico. Amais este ano é a Comisión do Carme a que se encarga de organizar o xantar con producto fresco da ría e prezos populares co que o éxito esta garantido. O producto que máis se vendeu esta tarde foi a paella e o mexillón con calquera das variedades de salsa; aínda que os prezos e o sabor animaban ós comensais a probar varias das especialidades dispostas. A maiores de comida, Vilanova esta fin de semana será unha festa con actuacións musicais e feira de oportunidades cada día.
{flowplayer img=https://www.canalriasbaixas.com/images/ano2014/08agosto/07/festa.jpg}https://www.canalriasbaixas.com/images/ano2014/08agosto/07/inauguracion_mexillon_vilanova.mp4{/flowplayer}
