Ducias de veciños renderon homenaxe á Virxe da Mercé

    POBRA> Ducias de veciños renderon homenaxe hoxe á Virxe da Mercé na tradicional romaría que pon o punto e final ás festas de verán na Pobra do Caramiñal. As misas na capela sucedéronse ó longo de todo o día mesturadas coa música dos pasarrúas a cargo da dos grupos de gaita. Pero a cerimonia que máis devotos congregou foi a misa solemne das doce e media do mediodía, e posterior procesión, a que asistiron o alcalde da localidade, Isaac Maceiras, e varios membros do goberno local. Ademais da xornada de hoxe, que rematou cunha verbena amenizada polo trío Branca Doble e o dúo Charada, as festas este ano terán continuidade o sábado e o domingo.

    Comments are closed.