SANXENXO>
Continúan as declaracións ante a xuíza de Lugo, Pilar de Lara, dos imputados na operación Cóndor, na que foi detido o propietario da empresa de transportes Monbús. Na tarde deste venres foi a quenda do propietario de InterRías, de Sanxenxo. Amais del, tamén compareceron ante a maxistrada dous dos seus fillos.
Os donos da axencia de viaxes de Sanxenxo tamén levantou as sospeitas da titular do Xulgado de Instrución número UN de Lugo, que citou a declarar, en calidade de imputados, a Carlos Américo Troncoso, e tamén a un fillo e a unha filla del. Son tres das nove persoas que investiga de preto Pilar de Lara no marco da operación Cóndor.
A xuíza busca irregularidades presuntamente cometidas tanto en Monbús coma en InterRías, e que mesmo salpicarían a altos mandos do exército en Madrid. A causa investiga a suposta comisión de delitos contables, branqueo de capitais, falsidade documental, tráfico de influencias ou suborno.
{flowplayer img=https://www.canalriasbaixas.com/images/ano2015/03marzo/27/declaran_interrias.jpg}https://www.canalriasbaixas.com/images/ano2015/03marzo/27/Declaran_interrias.mp4{/flowplayer}
