BOIRO> O PSOE de Boiro volve insistir na necesidade de investir en mellorar a rede de saneamento. Nesta ocasión denuncian os verquidos que se rexistran na zona da Changuiña que están a provocar serias molestias ós veciños. A agrupación socialista de Boiro fíxose eco das queixas dos veciños da Changuiña ó respecto dos problemas de saneamento. As deficiencias na rede provocan frecuentes vertidos, neste núcleo situado en Goiáns, cos consecuentes prexuízos para os residentes. Os socialistas instan ó executivo a priorizar os investimentos municipais destinando os fondos dispoñibles á dotación e mellora de servizos básicos como o saneamento.
Inicio Barbanza - Muros - Noia
