Suspendido o xuízo por branqueo contra unha sobriña de Manuel Charlín

PONTEVEDRA> Suspendido o xuízo por branqueo de capitais a Rosa Charlín, sobriña do patriarca do clan Manuel Charlín.

A súa defensa pediu a nulidade xa que asegura que o xulgado de Vilagarcía está a investigar os mesmos delitos, polo que ambas causas deberían refundirse. A fiscalía acusa a Charlín de mercar entre 1999 e 2004 ao redor de dez propiedades inmobiliarias nas que investiu 550 mil euros. Desa cantidade, hai 100 mil que a acusada non pode xustificar en base aos seus ingresos. Ante a petición de nulidade, o Ministerio Público insiste en que o delito e a acusada son os mesmos, pero non se trata das mesmas datas que está a investigar o xulgado de instrucción número 2 de Vilagarcía. Rosa Charlín enfróntase a unha petición de 5 anos de prisión e unha multa 720 mil euros. Recordemos que no ano 1995 Charlín xa fora condenada pola Audiencia Nacional a 9 anos de cadea e a pagar 100 millóns de pesetas. Nesa ocasión, por participar nun alixo de cocaína de 1000 kg atopados nun buque interceptado preto da costa portuguesa.

DEIXAR UNHA RESPOSTA

Por favor, engade un comentario!
Por favor, engade o teu nome aquí