María Vilas proclámase campioa de España en augas abertas

RIBEIRA> A ribeirense Maria Vilas proclamouse esta pasada fin de semana no lago de Bañoles, en Girona, campioa de España en augas abertas en categoría absoluta, na modalidade de dez quilómetros. A nadadora do Club Náutico de Ribeira foi a gran dominadora da proba, impoñéndose con bastante caridade. Por detrás dela entraban na liña de meta Erika Villaécija do Club Náutico Sabadell e Luisa Mar Morales do Metropole, mentres que Mireia Belmonte tan só puido ser sexta. A vitoria da ribeirense aseguraralle billete para o Mundial de Kazan, que se disputará do 24 de xullo ó 9 de agosto, onde se xogarán tamén as prazas para ir ós Xogos de Río 2016 e as súas esperanzas de ser olímpica, converténdose no primeiro deportista do Barbanza en facelo.