Recuperan en Arcade un camión e bebidas roubadas en Valga e Palmeira

PONTEVEDRA>

 

Persecución policial pola provincia de Pontevedra que acaba cun tiroteo en Arcade e a recuperación dun camión e as mercadorías roubadas por uns ladróns entre Valga e Palmeira. O tiroteo foi esta madrugada, o roubo na madrugada do xoves. Ó parecer un grupo de individuos roubou en Valga un vehículo da empresa de transportes Touceda co que se desprazarían ata un supermercado de Palmeira, en Ribeira, no que roubarían bebidas alcohólicas. Todo apunta a que pretendían marchar co botín cara Portugal pero á altura de Arcade a Garda Civil doulle alto. Tras un tiroteo os dous individuos que ían no camión máis outro que viaxaba nun coche lanzadeira conseguiron escapar no turismo, deixando o camión coa mercadoría. Os efectos recuperados atópanse na comandancia da Garda Civil en Pontevedra.