RIBEIRA> Á espera da chegada de novembro, cando comeza a venda forte de percebe, os mariscadores de Aguiño saen adiante grazas a outras especies. A navalla e a ameixa manteñen os prezos nestas semanas de transición proporcionándolles uns ingresos semanais considerables. Finalizada a tempada estival e á espera da campaña do Nadal, a confraría de Aguiño estira este período intermedio diversificando artes e capturas. Ademais da pesca, o marisqueo está a supoñen unha actividade importante que permite ós produtores obter un xornal. Percebe, ameixa e navalla son as especies máis rendibles. Aínda que as cotizacións son bastante boas, nada teñen que ver coas agardadas a partir do mes de novembro, cando a apertura da zona norte para o percebe e a proximidade do Nadal incrementa notablemente os prezos do marisco.
Inicio Barbanza - Muros - Noia
