RIBADUMIA> A realidade aumentada aterriza en Ribadumia, máis concretamente no Pazo Quinteiro da Cruz. En breves, calquera visitante do pazo poderá gozar das súas camelias, independentemente da época do ano. A realidade aumentada e unha aplicación móbil permitirán acceder a toda a información e a fotografías dos diferentes tipos desta flor que se poden atopar neste xardín de Ribadumia, que acumula máis de 2.000 variedades.
Con este xesto, ao visitante do Pazo Quinteiro da Cruz serálle indeferente a época do ano na que camiñe polos seus xardíns.
O pazo aposta polas novas tecnoloxías e bota man da realidade aumentada para mellorar a experiencia dos seus visitantes, que chegan atraídos pola súa riqueza en camelias. Un código QR abrirá todas as portas, e os usuarios poderán descargar unha aplicación móbil que lles permitirá gozar os doce meses do ano das máis de 5 mil árbores e máis de 2 mil variedades de 72 especies de camelia durante a súa visita.
Con esta aposta, Quinteiro da Cruz profunda na súa idea dun xardín con alma de museo, ademais de poñerse á vangarda mundial.
Esta posibilidade estará dispoñible dentro do vindeiro mes mes, arrancando con 40 das variedades de camelia na súa base de datos.
{flowplayer img=https://www.canalriasbaixas.com/images/ano2015/10outubro/30/camelia_quinteiro_cruz.jpg}https://www.canalriasbaixas.com/images/ano2015/10outubro/30/camelia_quinteiro_cruz.mp4{/flowplayer}
