O embaixador de Venezuela visita Pontevedra

PONTEVEDRA> O embaixador de Venezuela visita Pontevedra para estreitar lazos e planear un intercambio cultural e turístico de cara a 2016. O embaixador valorou moi positivamente o modelo de cidade de Pontevedra e quere que Fernández Lores viaxe nun futuro a Venezuela para presentalo.

 

Esta mañá o Concello de Pontevedra recibía a visita oficial do embaixador de Venezuela en España. Mario Isea Bohórquez ve posibilidades para que de cara a un futuro próximo empresas galegas e pontevedresas poidan colaborar na modernización de Venezuela e ve con bos ollos un intercambio cultural e turístico coa cidade para 2016.

Ademais o embaixador ve na experiencia coa mobilidade de Pontevedra un exemplo do que beber e que se podería trasladar as cidades e vilas de Venezuela.

Para tratar todos estes temas ambos representantes quedaron en ter futuras reunións de traballo coas que avanzar na colaboración entre estes dous territorios.

{flowplayer img=https://www.canalriasbaixas.com/images/ano2015/11novembro/11/embaixador_venezuela.jpg}https://www.canalriasbaixas.com/images/ano2015/11novembro/11/embaixador_venezuela.mp4{/flowplayer}