NOIA> A intención do goberno local pasa porque os traballos poidan iniciarse xa a finais deste mes de xaneiro. Con esta actuación, que podería iniciarse xa a vindeira semana, o executivo noiés pretende poñer fin ó mal estado no que se atopa o pavimento da alameda. O investimento previsto para esta obra superará os 229 mil euros e nela incluirase a renovación integral de todo o enlousado que continuará mantendo a súa actual singularidade cromática. A pesar das pequenas reparacións levadas a cabo nos últimos anos, lonxe de solucionarse, os problemas foron a máis, e o firme presenta numerosas gretas e roturas, o que supón un serio risco para as persoas que habitualmente transitan por esta zona. A actuación xa estaba proxectada para o pasado ano, aínda que finalmente non puido acometerse e conta co financiamento da Deputación da Coruña a través do programa PAI, o Plan de Aforro e Investimento.
Inicio Barbanza - Muros - Noia
