VILANOVA> A camelia comeza a tomar protagonismo na provincia de Pontevedra. Se onte lles falabamos da primeira mostra que van celebrar en Cambados na honra desta camelia, hoxe toca trasladarnos a Vilanova porque tamén alí terán este ano a súa exposicións. Será na Casa Museo de Valle Inclán a partir de mañá.
Vilanova repetirá este ano a experiencia de homenaxear á camelia, vista a gran acollida que o ano pasado tivo a primeira mostra desta flor. Mañá á unha da tarde as portas da Casa Museo de Valle Inclán abrirán para amosar a todos aqueles que se acheguen os exemplares máis variados e exóticos desta flor.
Vigo, Portugal e arredores do Salnés son as procedencias dos participantes neste foro, un evento no que tamén se poderá contemplar produtos obtidos da camelia, como aceite ou marmelada. A exposición estará aberta mañá de xeito ininterrompido desde as doce e media do día ata as oito da tarde. O domingo, de nove a dúas e de catro e media a oito do serán.
{flowplayer img=https://www.canalriasbaixas.com/images/ano2016/02febreiro/05/mostracameliavilanova.jpg}https://www.canalriasbaixas.com/images/ano2016/02febreiro/05/MOSTRA_CAMELIA_VILANOVA.mp4{/flowplayer}
