RIBEIRA> O Boletín Oficial da Provincia anuncia na súa edición de hoxe o inicio do prazo de presentación de ofertas para a contratación do servizo de control de pragas urbanas en Ribeira. Aquelas empresas interesadas dispoñen dun prazo de quince días naturais a partir de hoxe para presentar por rexistro as súas propostas. O importe base de licitación ascende a dez mil cincocentos euros anuais, IVE incluído, sendo a duración estimada do contrato de dous anos, se ben se poderá prorrogar con carácter anual. O procedemento de licitación é aberto con tramitación ordinaria. As empresas aspirantes a facerse con este servizo deberán acreditar a súa inscrición no Rexistro Oficial de Establecementos e Servizos Biocidas.
Inicio Barbanza - Muros - Noia
