PORTO DO SON> A Xunta de Galicia, a través da consellería de Medio Ambiente, Territorio e Vivenda anunciaba esta mañá a concesión, por segundo ano consecutivo, da Bandeira Verde de Galicia ó concello de Porto do Son.
Dende o departamento que dirixe Ángeles Vázquez recoñécese así o esforzo e a implicación deste municipio na protección da paisaxe e o patrimonio natural.
Xunto ó sonense, Medio Ambiente tamén distinguiu coa Bandeira Verde ós municipios de Curtis, Ordes, Alfoz, Mondoñedo, Parada de Sil, Outeiro de Rei e Sober.
O dito recoñecemento estaba aberto a tódolos concellos de Galicia que desenvolveran actividades relacionadas coa ordenación territorial, a protección do medio ambiente, o cambio climático ou a eficiencia enerxética, entre outros.
