BARBANZA> Un carril da autovía do Barbanza permanecerá cortado durante dúas semanas debido ás obras de mellora da estabilidade dun noiro que se están a executar na vía. O peche afecta ó treito comprendido entre os dous enlaces da Pobra. Os traballos para reforzar a seguridade dun noiro da autovía do Barbanza, iniciados esta mañá, suporán o corte total da calzada dereita da estrada, no treito que percorre o termo municipal da Pobra en dirección a Ribeira. Os condutores que circulen pola vía deberán incorporarse á calzada esquerda seguindo a sinalización instalada na propia estrada e nos paneis informativos, de xeito que ó longo deste tramo haberá circulación en dobre sentido. O acceso e saída na Pobra norte permanecerá pechado podendo utilizarse a estrada comarcal Ac-305 como alternativa. Está previsto que os traballos duren ó redor de dúas semanas, tempo durante o cal o treito permanecerá pechado ó tráfico. Se as condicións meteorolóxicas o permite, as obras rematarán o venres oito de abril, data na que previsiblemente se producirá a reapertura de ambas calzadas.
Inicio Barbanza - Muros - Noia
