SANXENXO> Sanxenxo avanza na excelencia turística e entrega 43 distintivos SICTED a empresas da zona, 17 das cales recíbenos por primeira vez. Ademais entregáronse os primeiros premios “Sanxenxo calidade turística” creados para sinalar aos establecementos e persoas máis distinguidos polo seu bo traballo. Ao acto asistiu a Secretaria de Estado de Turismo, Isabel Borrego.
Sanxenxo entregaba hoxe os diplomas e distintivos SICTED á excelencia turística e facíao nun acto na sala Nauta no que participaban o alcalde de Sanxenxo, o presidente do Clúster de Turismo de Galicia, o deputado provincial de Turismo Sántos Héctor, a directora da Axencia de Turismo de Galicia Nava Castro, e a Secretaria Estatal de Turismo Isabel Borrego, quen aproveitou para felicitar á vila polo seu traballo durante estes ano no eido da calidade turística.
Dos 43 distintivos repartidos, 17 empresas recíbenos por primeira vez e 26 son renovacións. Dato que pon a Sanxenxo á cabeza en Galicia neste tipo de distincións ao igual que as de Q de Calidade que o fan o 1º de toda Galicia, seguido de A Coruña, e o segundo de toda España despois de Madrid. O presidente do Clúster de Turismo de Galicia quixo recordar a importancia que tivo para acadar estes recoñecementos a colaboración público-privada.
O alcalde de Sanxenxo quixo referirse ao valor engadido que proxectan estes distintivos á vila e aos seus establecementos.
Hoxe tamén se entregaron os Primeiros premios “Sanxenxo, calidade turística” creados pola Mesa da Calidade Turística de Sanxenxo nos que foron premiados o Hotel Carlos I, a confitería A Ponte, o restaurante Carmen, a adega Eidos e o taxista Otilio Prieto.
{flowplayer img=https://www.canalriasbaixas.com/images/ano2016/04abril/11/entrega_sicted_sanxenxo.jpg}https://www.canalriasbaixas.com/images/ano2016/04abril/11/entrega_sicted_sanxenxo.mp4{/flowplayer}
