Ribadumia analiza os sentidos do viño

    RIBADUMIA> A Estación de Viticultura e Enoloxía de Galicia celebrou esta mañá un taller práctico sobre análise sensorial no viño. Coñecer os procesos de adestramento do olfato e do gusto, detectar os limiares de percepción ou saber identificar os caldos das diferentes denominacións de orixe galegas, foron algúns dos temas que abordaron.

     

    Adestrar os sentidos é clave para os que queiran dedicarse ao mundo da enoloxía. A Estación de Viticultura e Enoloxía de Galicia, en Ribadumia, acolleu un taller sobre estas cuestións, para formar a futuros expertos en análise sensorial.

    Identificar e familiarizarse cos sabores básicos, detectar os niveis de percepción ou coñecer os defectos máis comúns nos viños, foron algúns dos puntos que se abordaron no taller como parte deste adestramento.

    Cos sentidos a punto, entra en xogo a análise sensorial. Para os expertos, coñecer os procesos de elaboración, as características de cada tipo de viño e os trazos das variedades, é fundamental para conseguir un bo resultado.

    O curso estivo dirixido a estudantes de formación profesional dos ciclos de elaboración de aceites e viños do Instituto Ramón Cabanillas, de Cambados, e Ribeiro, en Ribadavia.

    {flowplayer img=https://www.canalriasbaixas.com/images/ano2016/04abril/26/taller_enoloxia_ribadumia.jpg}https://www.canalriasbaixas.com/images/ano2016/04abril/26/taller_enoloxia_ribadumia.mp4{/flowplayer}