MEIS> A Asociación de Adegas do Salnés e Adegas Terra de Asorei ultiman os preparativos para a sexta edición do Foro do Albariño. Desta volta, a calidade e a competitividade centrarán o contido da mesa redonda, na procura das claves para saír fortalecidos trala crise económica.
Calidade para a competitividade. Este será o epígrafe que este ano englobe o contido do Foro do Albariño. Por sexto ano, a Asociación de Adegas do Salnés e Adegas Terras de Asorei organizan esta cita, que aborda a importancia do sector do albariño no noso entorno.
Sistemas informáticos que facilitan a trazabilidade dos produtos, a xestión da calidade dende unha adega e a explicación do selo Galicia Calidade ou dar conta do plan estratéxico do Clúster Alimentario de Galicia, son os temas que forman a mesa redonda. Nela participarán poñentes de primeira liña, destacando a importancia do traballo homologado nos mercados internacionais.
A calidade é unha das apostas de Terras de Asorei. Algo no que profundizaron en xaneiro deste ano.
A adega tampouco deixa de lado a internacionalización. De feito, os seus viños xa están dispoñibles en dez países, aos que este mes se sumou Rusia.
Este ano Adegas Terras de Asorei embotellou máis de 300 mil botellas.
O celebrarase no Pazo Ulloa, de Cambados, e a asistencia é gratuíta. Iso si, os interesados deberán inscribirse previamente poñéndose en contacto con Adegas Terras de Asorei.
{flowplayer img=https://www.canalriasbaixas.com/images/ano2016/06xunho/30/ptac_vi_foro_albarino.jpg}https://www.canalriasbaixas.com/images/ano2016/06xunho/30/ptac_vi_foro_albarino.mp4{/flowplayer}