VILAGARCÍA> O concello de Vilagarcía e a empresa concesionaria do servizo de limpeza, mobilizaron a máis de 80 persoas no operativo especial de limpeza das rúas trala Festa da Auga. Un dispositivo que remataba este mércores, despois de recoller 32 toneladas de lixo, 6 menos que o ano pasado.
O día despois de calquera festa deixa patente unha das peores caras da celebración; o lixo. Rúas, prazas e portais de Vilagarcía atopábanse a primeira hora de este martes cheos de lixo.
Por iso dende o concello e a empresa concesionaria do servizo de limpeza, decidiron poñerse mans a obra, para devolver a vila a normalidade despois das longas horas de festa e desenfreo que reinaron na cidade a madrugada do luns ao martes, con motivo da Festa da Auga.
Os traballos que comezaron este martes, utilizaron 3 máquinas barredoras, 2 cisternas de baldeo, e dous camións de recollida de lixo. Este mércores aínda continúan repasando algunhas das zonas máis castigadas polo botellón.
{flowplayer img=https://www.canalriasbaixas.com/images/ano2016/08agosto/17/dispositivo_limpeza_auga_600px.jpg}https://www.canalriasbaixas.com/images/ano2016/08agosto/17/dispositivo_limpeza_auga.mp4{/flowplayer}
