Resolución histórica por un despedimento no sector do mar

    RIBEIRA> Unha sentenza do Xulgado do Social nº 1 de Santiago recoñece a improcedencia do despedimento dun traballador da firma ribeirense Pesquerías Lijó. A sentenza crea un precedente non visto ata o de agora para todos aqueles traballadores que prestan servizos en barcos que faenan en gran altura, ó terse fixado un salario para o cálculo da indemnización por despido no que se ten en conta a retribución á parte ou quiñón, que é pactada polos mariñeiros antes de embarcar cara o Gran Sol. Dende o sindicato apuntan a que a importancia desta decisión do Xulgado do Social é decisiva para rematar dunha vez por todas con eses costumes arraigadas de negarlle ós traballadores a parte previamente pactada, que na maioría dos casos non se fai por escrito, polo que os mariñeiros, chegado o momento da liquidación da mesma, non poden comprobar de ninguna forma se a liquidación que lle realiza o armador é a correcta e coincide cos beneficios das mareas, ou se polo contrario se procedeu a incluirlle tódolos ingresos e deducido tan só os gastos pactados deixando ó traballador nunha situación de impotencia absoluta fronte a este práctica empresarial, de ahí a importancia da mesma. Dende o sindicato aplauden a sentenza que, aínda que é recurrible, agardan a que sexa confirmada polo Tribunal Superior de Xustiza de Galicia, coma un avance máis na defensa dos dereitos dos traballadores do mar.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí