RIANXO> Os investigadores terían identificado ó condutor do vehículo no que Diana Quer se subiu, presuntamente, a noite da súa desaparición.
É o que publica hoxe o diario ABC, que asegura que a UCO e a Garda Civil coñecen a identidade deste home desde hai dúas semanas, coincidindo coas datas nas que se localizou o teléfono móbil da moza desaparecida, baixo a ponte da Autovía do Barbanza. A principal hipóteses dos investigadores, segundo se publica, apunta a que a madrileña á que se lle perdeu a pista o 22 de agosto, chegaría ó peirao de Taragoña nun vehículo xunto con dous tres homes, arredor das tres da madrugada, e que alí montaría noutro coche. Segundo este rotativo os investigadores coñecerían a identidade do home que conduciría este segundo vehículo, e trataríase dun home con antecedentes por narcotráfico. De tódolos xeitos, os axentes continúan manexando con cautela tódalas informacións, aínda que cada vez parece máis evidente que a investigación mantén o foco posto na comarca do Barbanza.
