VILAGARCIA> O goberno de Vilagarcía, ve difícil, pero non imposible aprobar os presupostos de 2017 durante o mes de decembro. O tempo aprema para o executivo, que non só está pendente das limitacións que impón a Lei de Presupostos do Estado, senón tamén dos requisitos para cobrar a parte que corresponde a este ano dos Feder e o necesario anexo de persoal que debe negociarse.
Os orzamentos do 2017 para Vilagarcía deberían ser aprobados nas vindeiras semanas. Unha situación, non imposible, aínda que si difícil tendo en conta pequenos matices, que aínda non están de todo perfilados como a Lei de Presupostos do Estado, como comentaba esta mañá o alcalde da vila, Alberto Varela.
Ademais dende o concello estase a traballar nos requisitos técnicos para a primeira anualidade dos fondos europeos FEDER.
Sexa como sexa, parece pouco probable que os orzamentos, que constitúen o documento económico máis importante de todo o ano, acaben sendo aprobados durante o mes de decembro. Aínda así, Alberto Varela non se mostra preocupado por rematar o ano sen aprobalos, xa que como recordou, os do 2016 foron aprobados durante o mes de xaneiro.
{flowplayer img=https://www.canalriasbaixas.com/images/ano2016/12decembro/14/valoracions_varela_orzamentos_600px.jpg}https://www.canalriasbaixas.com/images/ano2016/12decembro/14/valoracions_varela_orzamentos.mp4{/flowplayer}
