Lois Rodríguez e Alejandra Seoane gañadores absolutos do Trail de San Isidro

    POBRA> A carreira, celebrada este domingo, estaba organizada pola Asociación Arousa Natureza e Ocio, en colaboración coa mancomunidade Arousa Norte, e forma parte do circuito Arousa-Revolutrion Trail Series. Un total de 245 corredores tomaron a saída este domingo no Trail de San Isidro organizado pola Asociación Arousa Natureza e Ocio, en colaboración coa mancomunidade de municipios Arousa Norte. A carreira, a segunda proba puntuable do circuito Arousa-Revolutrion Trail Series, tivo como gañadores absolutos a Lois Rodríguez en categoría masculina e Alejandra Seoane en categoría feminina. A proba, de gran dureza, desenvolveuse por espazos de gran beleza paisaxística, tendo como punto de saída e chegada no entorno da igrexa de San isidro de Postmarcos. En total foron 13 quilómetros de percorrido, cun desnivel positivo aproximado dun 700 metros. Completaron o podio en categoría masculina José María Fernández Sampedro e Juan Jesús Barral, e en féminas Serafina Pereira e Bea Amado. Por equipos a proba foi para o Tribu Trail, seguido do Club Atletismo Fontes do Sar e Gym Tonic. A seguinte proba do calendario do circuito será o Trail de Bealo, en Boiro, que se disputará o próximo domingo 5 de marzo.