Música galega, en galego e de todos os estilos para o Galegote Rock

PONTEVEDRA> A música galega e en galego volverá tomar Pontevedra. Os días 27, 28 e 29 de abril a sexta edición do Galegote Rock encherá diferentes zonas e prazas da capital. Un evento que este ano terá, incluso, cervexa propia. Música galega en galego e de todos os estilos. Esta é a proposta que por sexto ano consecutivo trae a Pontevedra o seu festival Galegote Rock. A cita será os días 27, 28 e 29 de abril, enchendo locais, rúas e xardíns de música de calidade en directo. A praza de Santa María, a da Peregrina ou a de San Francisco converteranse en escenarios. Tamén a de Curros Enríquez, que acollerá a actuación do cabeza de cartel. Terbutalina, Atrás Tigre, Mike Grelo e Curmán, Oh! Ayatollah ou Eladio y los Seres Queridos, son algúns dos grupos que farán soar os seus temas neste Galegote Rock, que celebra os seus seis anos de vida estreando marca de cervexa. O Galegote tamén chegará á Praza da Pedreira, que se converterá no centro neurálxico do festival. Mercadiño de cervexas artesanais, postos de vinilos, actividades para os nenos e diferentes propostas gastronómicas , estarán durante todo o sábado 29. {flowplayer img=https://www.canalriasbaixas.com/images/ano2017/03marzo/24/ptac_galegote_rock_600px.jpg}https://www.canalriasbaixas.com/images/ano2017/03marzo/24/ptac_galegote_rock.mp4{/flowplayer}