O BNG pide medidas de seguridade viaria en varios núcleos de Lesón

    POBRA> O BNG da Pobra pide a mellora da seguridade viaria e a ordenación do tráfico na zona da Cruz de Pedra, Agros da Vila e Tarrío. A solicitude responde a unha demanda dos veciños desta zona que non está a ser atendida dende o Concello. Sabedores da problemática que se dá nesta zona a través das denuncias dos propios veciños e residentes, o BNG levará ó vindeiro pleno unha solicitude reclamando a mellora da seguridade viaria nos lugares de Cruz de Pedra, Agros da Vila e Tarrío onde existe unha elevada densidade de tráfico ó dar servizo a varios núcleos da parroquia de Santa Cruz de Lesón. Ademais da regulación do tráfico, os nacionalistas solicitan tamén a construción de beirarrúas, xa que na actualidade carecen delas.